მდგრადი განვითარების ცენტრის - რემისიის (შემდგომში „რემისია“) მიზანია
საქართველოს მთავრობის მხარდაჭერა მდგრადი განვითარების პრინციპების გატარებაში
და დეცენტრალიზაციის პროცესების ეფექტურად წარმართვაში, ეკონომიკის სხვადასხვა
სექტორებისა და რეგიონებისათვის/მუნიციპალიტეტებისათვის პოლიტიკის
განსაზღვრის, სტრატეგიებისა და სამოქმედო გეგმების მომზადებისა და
განხორციელების პროცესებში მონაწილეობის გზით.

ორგანიზაციის
მიზანია ქვეყანაში თანამედროვე ცოდნის, ანალიტიკური მეთოდებისა და მოდელების,
ასევე უახლესი ენერგოეფექტური ტექნოლოგიების შემოტანის ხელშეწყობა; ადგილობრივი ცოდნისა და „ნოუ-ჰაუს“ განვითარების და მათი საბაზრო სახემდე მიყვანის ხელშეწყობა;

ამ მისიის შესრულებისას „რემისია“ ძირითადად ორიენტირებულია ისეთ ეკოსისტემებზე, ეკონომიკის სექტორებზე და რეგიონებზე, რომლებიც განსაკუთრებით დაუცველი არიან კლიმატის ცვლილებისაგან ან ისეთებზე, რომლებსაც მნიშვნელოვანი წვლილი შეაქვთ კლიმატის ცვლილების პროცესში.

გადაწყვეტილების მიღების და აღსრულების პროცესებში ჩართულობა და ადამიანის უფლებების დაცვის ინტეგრაცია მის საქმიანობაში არის "რემისიის" მთავარი პრინციპები.